Gyða Dröfn Tryggvadóttir er með meistaragráðu í stjórnun heilbrigðisþjónustu og lýðheilsu (EMPH) frá Háskólanum í Reykjavík.
Hún hefur lokið námi í uppeldis-og áfallafræðumn Piu Mellody (PIT Training for professionals) sem skoða áhrif fjölskyldunnar á uppvöxt okkar og þroskaferil. Meðvirkni verður til í æsku og þróast í uppvextinum vegna óheilbrigðra fjölskyldumynstra, vangetu foreldra/uppalenda til að veita viðeigandi næringu sem til þarf svo að barn geti þroskast og orðið heill fullorðinn einstaklingur, með heilbrigða og góða sjálfsmynd - fær um að lifa sínu eigin lífi! Gyða Dröfn hefur iðkað Zen hugleiðslu síðastliðin 22 ár undir handleiðslu Zen meistarans Jakusho Kwong Roshi, bæði hér á landi og á Sonoma Mountain Zen Center, þar sem hún hefur dvalið í lengri og skemmri tíma við iðkun og nám. Hún hefur hlotið vígslu sem Zen nunna. Kjarninn í Zen iðkun er hugleiðsla, þar sem hugur og líkami eru í kyrrð og athyglin beinist að því sem á sér stað hér og nú. Iðkun hugleiðslu veitir innsýn í eigin hug og tilveru og eykur skilning á sjálfum okkar og lífi okkar. Menntun: B.A. í félagsfræði frá Háskóla Íslands EMPH í lýðheislu og stjórnun heilbrigðisþjónustu frá Háskólanum í Reykjavík 2010 Jógakennaranám - útskrifuð 2006 PIT Training for Professionals - útskrifuð 2014 Starfsreynsla: Gyða Dröfn opnaði eigin meðferðarstofu undir nafninu Heill heimur árið 2017, sem hún rekur í samvinnu við Ástvald Traustason. Gyða Dröfn er í samstarfi við Chris John, MSc, sálmeðferðarfræðing og PIT meðferðaraðila í London. Hann var einn af kennurum hennar í náminu og hafa þau verið í samstarfi síðan 2017. Þau bjóða reglulega upp á djúpa sjálfsvinnu í litlum hópum, bæði á Íslandi og í London. Upplýsingar um Chris: https://www.chrisjohn.london Gyða Dröfn er í samstarfi við Kristínu Sigurðardóttur, slysa- og bráðalækni sem rekur fyrirtækið Á heildina litið. Meðal verkefna sem þær vinna saman er námskeiðið Seigla, streita, samskipti, meðvirkni, fyrir almenning sérhönnuð fyrir fagaðila, fyrirtæki og stofnanir. Þær eru í samstarfi við Opna háskólann í Reykjavík fyrir atvinnulífið. Einng hafa erindi þeirra verið vinsæl fyrir starfsfólk og stjórnendur í stofnunum og fyrirtækjum. Fésbókarsíða Á heildina litið: https://www.facebook.com/aheildinalitid Gyða Dröfn er í samstarfi við Ástvald Zenki Traustason tónlistarmann og Zen kennara en saman bjóða þau m.a. upp á námskeiðið Ekki of seint að eiga hamingjuríka æsku. Upplýsingar um Ástvald Zenki: www.zenki.is Gyða Dröfn hefur staðið fyrir heilsutengdum viðburðum og ráðstefnum síðan árið 2010 og má þar nefna ráðstefnurnar Vertu sólarmegin í lífinu (um D-vítamín), Styrkurinn felst í mýktinni ( Omega fitusýrur), Flott flóra ( meltingarflóran). Hún stóð að, ásamt hópi fagfólks, ráðstefnunni Hver hugar að heilsu þinni, sem var haldin fjórum sinnum fyrir fullum sal í Stakka 2018, Salnum í Kópavogi árið 2019 og fyrir Læknafélag Íslands 2019. Þetta var grunnur að þremur þingum á Læknadögum um heilsu, áföll og streitu árin 2021 og 2022. Annað: - Framkvæmdastjóri og meðeigandi tónlistarskólans Tónheima 2000 - 2016 - Verkefnastjóri Viku símenntunar, UT ráðstefna frá 2002 - 2006 á vegum menntamálaráðuneytisins. - Verkefnastjóri Starfsmenntaverðlauna Starfsmenntaráðs 2003-2006 - Áfengisráðgjafi á Vogi og meðferðarheimilinu Vík frá 1999 - 2000. - Dagskrárgerðarkona á Ríkisútvarpinu frá 1989 - 1996 - Þáttagerð á Ríkisútvarpinu í lausamennsku á árunum 2000-2011 - Sjónvarpsþula hjá Ríkissjónvarpinu 1992 - 1993 - Greinaskrif í ýmis tímarit 1987 - 2005 |